4.19.2006

katumbiri...



tadi wengi simkuring ngimpen.. ninggal hiji fenomena katumbiri di hiji gunung duka dimana anu dihandapna aya danau lega bersih resik tur endah pisan lah... caritana mah eta teh wanci ashar ka maghribkeun... eta pengkereun katumbiri teh si panon poe caang bersih pisan...
ringkes carita simkuring buru-buru ka imah mawa hape da hayang moto eta pemandangan anu sakitu jarangna... tapi da dasar ngimpi.. ujug-ujug wengi weh paroek.. tapi da geus niat rek moto nya tuluy weh mawa hape.. tapi da bener dasar ngimpi naha bekgron-na teh jadi di Sukamiskin (lemah cai kulawarga besar ti pun Rama - me)... tapi eta si katumbiri teh aya keneh.. malihan mah naha jadi diluhureun susuhunan... badag deuih... ongkoh maghrib.. tapi jelas pisan... caang hurung.. komo anu warna beureum koneng hejo-na mah.. ari pas rek difoto.. geus di keceng.. si warna²na teh marisah... mimitina anu beureum turun kahandap luhureun tangkal rambutan.. atuh motona babari.. beres tah.. balik deui kaluhur si beureum teh.. tuluy anu oranyeu.. sarua turun.. nepi ka hejo... nu liana mah teu turun sorangan² tapi bareng (nyaeta bulao ngora jeung kolot tuluy ungu ngora jeung kolot)... tapi ari anu terakhir mah rada teu jelas da rada kahalangan ku ranting rambutan... teu lila tidinya kaburu hudang ku alarm hape... tapi eta bayangan katumbiri masih jelas dina panon.. kacipta jelas dina tembok kamar buburinyayanana..

endah pisan...

4 comments:

Yanmoi said...

nilei ngarang basa sundana pasti ageung nya :D
hebatlah...

.. kindy .. said...

mudah² mimpi ieu cing ngajadikeun kenging pangkat.. meureun.. :D

d2nr said...

ningali bidadari keur mandi teu..??? >:)

admin said...

mun aya katumbiri, cenah ulah di tunjuk saur kolot baheula mah,,,pamali